GCI-2011 куоҥкуруска кыттыы туһунан

Бэлиэтэнии

1. Бастаан икки сиргэ бэлиэтэн:

1.1. Google Code-in ситим-сиригэр: Register as student

1.2. Apertium ситим-сиригэр (бу киирэн олорор сиргэр): үөһэ уҥа муннукка Login диэни баттаа. Бэлиэтэнэн баран Preferenes диэн кыбытыкка киирэн интерфейсыҥ тылын нууччалыы эбэтэр сахалыы туруор (английскайдыы үчүгэйдик билбэт буоллаххына).

Садаанньалары талыы

2.1. Куоҥкурус садаанньаларын Google Code-in ситим-сириттэн көрүөххүн сөп: Search for tasks

2.2. Биир садаанньаны (кыайыам дии санаабыккын) талаҕын.

Оҥоруу

3.1. Бастаан бэйэҥ көмпүүтэргэр толороҕун. Толоруу холобурадара:

• Bulgarian_and_Russian
• German_and_Esperanto
• Polish_and_Esperanto

3.2. Төһө сөпкө оҥорбуккун учууталыҥ эбэтэр тылы билэр киһи (холобур, төрөппүтүҥ дуу, атын улахан киһи дуу) көрдүн. Оннук көрдөрөр киһиҥ суох буоллаҕына миэхэ ыыт.

Көрдөрүү

4.1. Онтон бу ситим-сиргэ толорбут үлэҕин саҥа сирэй оҥорон бэчээттиигин.

• Үлэҥ аатын маннык гыныаххын сөп: Саха и русский/Pending tests (бу холобур эрэ)
• Саҥа сирэйи арыйарга Көрдөө/Поиск/Search диэн түннүккэ үлэҥ аатын суруй уонна аллараа тимэҕин баттаа. Оччоҕо маннык сирэй суох, Саҥа сирэйи оҥорорго диэн кыһыл сигэ (ссылка) тахсыа. Ону баттаа. Онтон тахсыбыт ыраас түннүккэ оҥорбут садаанньаҥ тиэкиһин уган кэбис. Садаанньа үчүгэйдик көстөрүгэр биики разметкатын сөпкө туһаныаххын наада. Ону билсэргэ Саха бикипиэдьийэтигэр киирэ сылдьыаххын сөп (холобур, хайдах модьу бичиги туруорар, саҥа абзац саҕалыыр, ис уонна тас сигэ оҥорор туһунан).
• Аллара категориятын туруор. Ону маннык оҥороҕун: [[Category:Sakha]]

4.2. Ханнык ааттаах оҥорбуккун миэхэ уонна Экторга бу почталарга ыытан биллэрэҕин: cybersakha@gmail.com уонна hectoralos@gmail.com

Аныгыскы садаанньа

5. Сөбүлэҥ ылан баран аныгыскы садаанньаны оҥоруоххун сөп.

Бары үтүөнү,

Эн үлэҥ саха омугун кэскилин түстүүр үлэ буолар, ону умнума!

Ньукулай Павлов (aka Halan, HalanTul), Саха бикипиэдьийэ дьаһабыла, CyberSakha түмсүү сүрүннээччитэ